Հայաստան

Տարբերակ 2016


Մանկական ռևմատոլոգների եվրոպական ասոցիացիայի` PRES հանձնարարականները COVID-19 կորոնավիրուսի դարաշրջանում

1. Եղեք իրազեկված և հետևեք առանձին ձեր երկրի Առողջապահության նախարարության/Ազգային հանրային առողջապահության ծառայության մարմինների հանձնարարականներին:
2. Համոզվեք, որ Դուք մանրակրկիտ հետևում եք հիգիենայի բոլոր հանձնարարականներին: Հիշեք, որ նոր կորոնավիրուսը կարող է ժամեր և օրեր շարունակ կենսունակ լինել բազմաթիվ մակերեսների վրա, ինչպիսիք են բռնակները, լույսի անջատիչները, բջջային հեռախոսները, համակարգչային ստեղնաշարերը, վահանակները, բանալիները, վերելակների կոճակները, զուգարանակոնքը, լվացարանները, սեղանները, կոշտ թիկնակով աթոռները և այլն:
Պարզ քայլերը կարող են օգնել պահպանել Ձեր, Ձեր ընտանիքի անդամների և ընկերների առողջությունը.
Կանոնավոր կերպով լվացեք Ձեր ձեռքերը ջրով և օճառով` առնվազն 20 վրկ: Այնուհետև պատշաճ չորացրեք ձեռքերը:
Խուսափեք դիպչել Ձեր դեմքին:
Հազալիս կամ փռշտալիս բերանը փակեք արմունկով կամ անձեռացիկով, վերջինս դեն նետեք ապահով կերպով:
Օգտվեք մեկանգամյա օգտագործման անձեռոցիկներից:
Կրեք դիմակ, եթե հիվանդ եք. եթե ախտանիշներ չունեք, դիմակ կրելու անհրաժեշտություն չկա: Դիմակն ամբողջովին չի կարող պաշտպանել վիրուսի ներթափանցումից, սակայն այն լավ հիշեցում է, որ պետք չէ դիպչել դեմքին և մյուսների համար ծառայում է որպես զգուշացում, որ դուք, հնարավոր է, վատառողջ եք:
Պահպանեք խելամիտ սոցիալական տարածություն, հատկապես այն մարդկանցից, ովքեր հիվանդ են թվում, օրինակ` հազում են կամ փռշտում: Խորհուրդ է տրվում պահպանել 1 մետր տարածություն:
Պետք է ողջունել միմյանց առանց ձեռքսեղմման և խուսափել գրկախառնումներից:
3. Ներկա պահին ռևմատոլոգիական հիվանդություններ ունեցող և դեղորայք ստացող երեխաների համար խուրհուրդ է տրվում շարունակել բոլոր բուժումները, ինչպես սովորաբար:
4. Մի դադարեցրեք Ձեր դեղորայքի ընդունումը, ներառյալ Մետոտրեքսսատը և բիոլոգիական պրեպարատները, առանց խորհրդակցելու Ձեր ռևմատոլոգի հետ: Դա կարող է ռևմատիկ հիվանդության սրացման պատճառ հանդիսանալ:
5. Եթե Դուք ստանում եք կորտիկոստերոիդային բուժում, դեղաչափի ճշգրտման նպատակով խորհրդակցեք Ձեր ռևմատոլոգի հետ:
6. Մեկուսացած կամ կարանտինում գտնվող (առանց ախտանիշների) պացիենտները պետք է շարունակեն բուժումը սովորականի պես:
7. Տենդի կամ ինֆեկցիոն հիվանդության կասկածի դեպքում հետևեք Ձեր առողջապահության ազգային խորհուրդներին բժշկական օգնության հասանելիության և Covid-19 թեստավորման համար: Միևմույն ժամանակ, շարունակեք Մետոտրեքսատի ընդունումը, և բիոլոգիական պրեպարատներ սատանալու պարագայում, ցուցումներ համար կապ պահպանեք Ձեր բուժող ռևմատոլոգի հետ:
8. Այն դեպքում, եթե Դուք ունեք ռևմատոլոգի պլանային խորհրդատվության համար պայմանավորվածություն, խորհրդակցեք Ձեր առաջնային օղակի բուժող բժշկի հետ, կամ ռևմատոլոգի հետ, եթե դա էական է, կամ հետաձգումն անվտանգ է, կամ կարող է իրականացվել հեռախոսազանգի կամ այլ հեռահար սարքավորումների միջոցներով, որոնց հասանելիույթունը կարող է տարբեր լինել տարբեր բժշկական հաստատություններում:
9. Բոլոր անհատներին, ներառյալ մանկական ռևմատիկ հիվանդություններով պացիենտներին, խորհուրդ է տրվում խուսափել ոչ անհրաժեշտ ճանապահորդություններից և զանգվածային կուտակումներից:
10. Մաղթում ենք Ձեզ առողջություն և շուտափույթ վերադարձ կյանքի բնականոն հունին:
Այցելեք նաև EULAR կայք` - EULAR website

Այս վեբկայքը հանդիսանում է Մանկական ռևմատոլոգիական միջազգային հետազոտական կազմակերպության (ՄՌՄՀԿ՝ PRINTO) և Մանկական ռևմատոլոգիայի եվրոպական միության (ՄՌԵՄ՝ PRES) համագործության արդյունք։ Վեբկայքը ֆինանսավորվում է Եվրոպական միության պրոյեկտի միջոցով, որը հայտնի է որպես SHARE։
«Եվրոպայում մանկական ռևմատոլոգիայի Մեկ հանգույց և Մուտք» (հապավում՝ SHARE, պրոյեկտի համար՝ 2011 1202) պրոյեկտի նպատակն է յուրաքանչյուր երկրում ապահովել խորհուրդներ ռևմատոլոգիական հիվանդություններով երեխաներին բժշկական օգնություն ցուցաբերելու վերաբերյալ:

PRINTO-ն (www.printo.it) հանդիսանում է ոչ առևտրային միջազգային հասարակական ցանց, որը հիմնադրվել է 1996 թվականին 14 եվրոպական երկրների կողմից (ներկայումս շուրջ 80 երկիր, 490 կենտրոններով և շուրջ 1180 անդամներով ամբողջ աշխարհում)։ Նրա նպատակն է աջակցել, հեշտացնել և կոորդինացնել հետազոտությունների մշակումը, իրականացումը, վերլուծումը և ճշգրտությունը , որոնցում գնահատվում են ռևմատոլոգիական հիվանդություններով տառապող երեխաների դեղորայքային բուժման արդյունավետությունը և անվտանգությունը, կյանքի որակը և բուժման արդյունքները։ PRINTO- ն բաղկացած է ակադեմիական և/կամ կլինիկական կենտրոններից, որոնք ակտիվորեն ներգրավված են մանկական ռևմատիկ հիվանդություններ ունեցող երեխաների հետազոտական և կլինիկական խնամքի մեջ։

PRES-ը (www.pres.org.uk) մանկական ռևմատոլոգիայի ոլորտում աշխատող եվրոպական առողջապահության ոլորտի մասնագետների համար միջազգային գիտական միություն է (ոչ եվրոպական մասնագետները մասնակցում են որպես ասոցացված անդամներ): PRES-ի առաքելությունն է նպաստել մանկական ռևմատոլոգիական հիվանդությունների մասին գիտելիքների ձեռքբերմանը, խթանել այս ոլորտի հետազոտությունները, տարածել գիտելիքներ գիտաժողովների և հրապարակումների միջոցով, մշակել ուղեցույցներ և ստանդարտներ կլինիկական պրակտիկայի համար, ինչպես նաև ստեղծել ուղեցույցներ և ստանդարտներ մանկական ռևմատոլոգներ և հարակից մասնագետներ կրթելու համար:

PRINTO-ն և PRES-ը համագործակցում են հետազոտական նպատակներով։

Վեբ-կայքը բաժանված է 3 բաժնի․
Առաջին բաժնի նպատակն է տեղեկացնել ընտանիքներին մանկական ռևմատոլոգիական հիվանդությունների առանձնահատկությունների մասին։ Այս բաժինը գրվել է գլխավորապես PRINTO/PRES/SHARE խմբին պատկանող բժիշկների և առողջապահական ոլորտի մասնագետների կողմից և վերանայվել է տարբեր ընտանեկան միությունների ներկայացուցիչների կողմից։

Երկրորդ բաժինը տրամադրում է այն մանկական ռևմատոլոգիական կենտրոնների տվյալները, որոնց մասնագետները հանդիսանում են PRINTO և/կամ PRES-ի անդամներ։ Տվյալները համախմբվել են հարցման միջոցով, որը ստեղծվել է SHARE-ի, PRINTO-ի և PRES-ի անդամների համար և ուղարկվել է աշխարհի բոլոր մանկական ռևմատոլոգիական կենտրոններին։ Այս ցանկը կանոնավոր կերպով թարմացվում է, սակայն լիովին ամբողջական չէ։ Այն պարբերաբար վերաստուգվում է PRINTO-ի և PRINTO-ի կոորդինատորների կողմից։

Երրորդ բաժնում ներկայացված են ընտանիքներին օգնող այն կազմակերպությունները, որոնց կարելի է գտնել տարբեր երկներում։ Այս կազմակերպությունների գլխավորն նպատակն է խորհուրդներ տալ այն առօրյա խնդիրների և դժվարությունների վերաբերյալ, որոնց հետ ընտանիքները կարող են առնչվել։


 
Աջակիցներ
This website uses cookies. By continuing to browse the website you are agreeing to our use of cookies. Learn more   Accept cookies